Ljoowe Bäidene!

Noch ieuwen täiwe ap

Muusewänt un Kittegientje

1
Tourääch ätter Seelter Siede
 
Unkel Pyt
 

 

 

 

 

 

 

 

 

 

 

 


Unkel Pyt fertält fon Muusewänt
un Kittegientje ätter G.Th. Rotman (1893-1944)
1
Tourääch ätterSeelter Siede
     
Siede 12-20
Siede 21-29
Siede 30-38
Siede 39-47
Siede 48-56

Mäd Tonk an
Margaretha Grosser


Klik ap dän Luudspreeker foar dät Luud (MP3).
2



Ounfang

     
     
     
     
     
     
     
     
   

Häi, wät n oarich Muusepoor
stoant deer ap ju Bielde.
Hie so skälmsk un ju so kittich,
kuud dät wäil flugger weese?
"Ju hat fon Kittegientje,
wie spielje mädnonner"
So fertält die Muusewänt,
häd dät grootste Woud..

"In n Suumer woonje wie hier,
hooch un druuch in t Rait,
bee mäd uus Bruure un Sustere
un mäd uus Baabe un Määme.
Man düt sunt do Suumerhuuse,
nit foar n Winterdai!
Wan dät fjust un snäit un hailt,
dan luuke wie uurswier wai.
3


fääre

     
     
     
     
     
   

Dan luuke wie uum ätter uus Huuse
joop unner de Gruund,
Deer is t woorm un gans kemoudich
un fäile wie fon n Winter niks.
Man dan mouten wie suumers knooje!
Dät riepe Koarel fon t Lound,
sniede wie mäd skäärpe Tuske
un brange t in uus Hööle oun.

Muusewänt hälpt düftich mee,
bit hie ap moal kiddelt wäd.
Un dät Wucht dät güüchelt soo,
lopt dan gau wier wäch.
Un die Wänt die ropt:
"Täiwe moal! Ik wol die..!"
pakket hier bie n Stäit.

4

     
     
     
     
     
   

Kittegientje huult un laachet
bee tougliek,
fäilt dan ätter hieren Houd:
och, wät sit die skeeuw.
Man wät knittert deer in t Rait?
"Stil, rööge die nit!"
Deer uum dän Houk luurt Boas Bolse..
"So..! Dät hied ik goud rät!"

Muusewänt rit Kittegientje
dän Ierm bolde uut n Pot.
Hie toankt an niks, as dät die Koater
him nu bäät-ätter sit.
Uur n Tuun, twäärs truch do Bloumen,
bie n Dräppel hooch,
stuft hie mäd dät Wucht
fluks in ne Stoowe oun.
5

     
     
     
     
     
   

"Määme, wät sunt do Bäidene wier iewerch.
Fui, dät is daach läip!"
brumt ne bekoande Stämme..
"Unkel ..!" "Muusewänt,
sunt jie dät..! Dät träft goud.
Hier sunt Snip un Snap,
un Loangstäit is hier uk tou spieljen.
Sunt jie bee ap de Raise?"

Kittegientje, eerste wät ferwunnert,
spräkt nu as n Spräie.
Möie kwäd: "Wät hääbe wie deer wät mäd tou dwoon,
mäd dät läipe Bolse-Foulk.
Kuumet, hier hääbe iek wät läkkeren Room,
pröiwe moal, Kittegientje!"
Dät Wucht, dät däd et, un bieuwet noch wät
un - ju faalt deeroun! Bats!
6

     
     
     
     
     
   

Träi Stäite wäide strom
annonner fääst buunen.
Muusewänt die sakket, sakket,
dän Kop aal ätter n Gruund.
"Nuu," kwäd hie tou Kittegientje,
"griepe mie bie de Hounde!
Nu rauelk! Nit tou gau,
iek luuke die wäil ap dät Lound!"

Kiek, deer stoant ju un die Room
druppet hier uut de Hiere,
fon hiere Ierme, uut hiere Rokke
rient dät ap n Foutbeen.
Dät Wucht, dät huult, do uur do laachje;
dät lät uk so maal!
"Ha Fisk", plooget Snap hier,
un häd hie nit gjucht?
7

     
     
     
     
     
   

Gans wäit kroop Kittegientje
do uur bäät-ätter
in n eepenen Sukkerpot,
slikkerde un slabberde mee.
Man och Moanske, die Sukker bakte
mäd dän Room touhoope!
Aal klieuwje litje Kluntje
an hiere Kloodere un Lieuw!

Bumbere bum! Deer stapt.. n Moanske
in de Stoowe oun.
Dät Muusefoulk stuft uutnonner,
gauer as die Wiend.
Twoo, do kjoope in n Teepot
- ju Steelpe stuud juust eepen -
Do bee, do hääbe Gluk,
dät die juust loos noch waas.
8

     
     
     
     
     
   

"Soo, do Plätsken in de Döise,
nu stoant alles kloor,
Sköälken, Sukker un die Room,
straks noch die Tee.
Min Besäik kon man kuume,
dät Woater stoant al ap t Fjuur,
Fluks noch ieuwen ätter de Köäkene,
uurs dan sjut dät uur."

Twiske do Sköälken fluch ferstopped
siet uus Kittegientje, juust as Snap.
Jo wipje sloank
in ju Plätskendöise oun.
Uur dän Raant fon dän Teepot
kikt Muusewänt;
"Wier sunt do uur dan blieuwen,
as jo ieuwen fluchteden?"
9

     
     
     
     
     
   

"Pingeling", deer pingelt dät,
dät Muusefoulk duukt wäch,
heert wäl gungen, laachjen, fräigjen:
"Un wo gungt et jou?
Sunt ji aal goud gesuund?
Jou Käärel uk goud?"
"Jee, dät gungt wäil, kum man fluks ien,
du uk, litje Sieuwert!"

"Nu die Tee fluks in dän Teepot,"
toankt dät Wieuw fon t Huus,
Nimt ju Steelpe in de Hounde....
"O, o! Hälpe.... n Muus!"
Een, noa two springe hier juun,
och wät häd ju n Nood!
Un do Muuse wipje handich
fon dän Disk addeel.
10

     
     
     
     
     
   

Sieuwert sien Määme siet juust kemoudich
in dän groote Stoul,
as ap moal in hiere Skoot
uus Muusewänt deel fäl.
Och, wät roort dät groote Moanske,
springt fluks hooch un... bum!
Stat ju mäd dän Kop juun t Boud
Mäd dän Gouldfisk-Kum.

Alles gungt uur de Kop
un wo kon t so maal,
Sieuwert sin Baabe die häd ap moal
n gleesen Houd deerbie.
Hie kikt lälk, dät is tou ferstounden,
Muusewänt, die Sakkerlooter,
laachet stilken in de Timpe
dän Mon dan uk noch uut.
11